Bangkay ng lalaki sa closed van na tadtad ng saksak, natuklasan dahil sa tagas ng dugo sa Maynila

ADVERTISEMENTBALITAPROMDIUMG!CHIKA MUNATALAKAYANPINOY ABROADTRENDING Hulyo 7, 2026 5:30pm GMT+08:00 SINULAT NI: GMA News Patay at duguan nang matagpuan ang isang lalaki na tadtad ng saksak sa loob ng nakaparadang closed van sa isang bodega sa Tondo, Maynila. Ang bangkay, nadiskubre ng ibang trabahador nang tumagas ang dugo ng biktima.

Sa ulat ni Jhomer Apresto sa GTV News Balitanghali nitong Martes, sinabing natuklasan ng caretaker ng bodega ang bangkay nang makita ang tumagas na dugo ng biktima mula sa van nitong Sabado.Sa paunang imbestigasyon ng pulisya, Biyernes ng gabi nang huling nakitang buhay ang biktima na pahinante sa bodega at nakipag-inuman sa ibang katrabaho.“Nag-iinuman ‘tong mga ‘to tapos nung mga bandang alas 9 pm, bumalik na ‘tong biktima natin kasama yung ibang kainuman.

After mag-dinner, tumuloy na ‘tong biktima natin kung saan siya natutulog kung saan nga doon sa may closed van,” ayon kay Police Major Dave Garcia, hepe ng Homicide Section, Manila Police District.Sa kuha ng CCTV video, may nakitang isang lalaki na trabahador din sa bodega na nagpunta sa closed van na kinaroroonan ng biktima. Sunod nito ay madidinig na ang mga sigaw.

Ilang minuto pa ang nakalipas, lumabas na ang suspek mula sa bodega at umalis. Pero bumalik siya kinabukasan at pumasok pa sa trabaho.Pero nakauwi na ang biktima bago matuklasan ang katawan ng biktima sa van.

Kaagad na dinakip ng mga pulis ang suspek sa kaniyang bahay.Ayon sa pulisya, may kinalaman sa trabaho ang pinag-awayan ng suspek at biktima ilang buwan na ang nakalilipas.Nalaman din ng pulisya na dati nang nasangkot sa katulad na krimen ang suspek sa Guimaras na at kanila na itong beneberipika.

Mahaharap ang suspek sa kasong murder na wala pang pahayag. – FRJ GMA News